Urdu poem On 15th August ( Indian Independence Day )

shayad Jashn-e-Azaadi par,
Abba tum ne Bhaiyya ki ek kaapi le kar,
kuchh acchhe se naare,
aur kuchh pyaare pyaare geet likhe the,
Azaadi ke,
Yak-jahti ke,
Hubbe watan ke..

Aaaj us kaapi ka mujh ko ek waraq,
ghar ke bikhre samaan me mila,
jis par aap ne ye likha hai,
..Hindu,
Muslim,
Sikh,
Isaai..!'
Aapas me hain..
Aapas me hain..
us ke aage Aap ne jaane kya likha tha,
bhiige bhige, phaile phaile,
madham madham,
..lafzo'n ko main
dekho kab se ghoor raha hu'n.

lekin Abba ab to unka padhna bhi na-mumkin hai,

..kyu'n ki in par
Khoon aapka phail gaya hai..

ye nafrat buri hai na paalo ise, dilo'n me khalish hai nikaalo ise,
na Tera na Mera na iska na uska,
ye sab ka Watan hai bacha lo ise..